कपिलवस्तुकाे विजयनगरमा पूर्ण खाेप दिगाेपनाका लागि याेजना तर्जुमा गाेष्ठी सम्पन्न "

धर्मेन्द्र कुमार कुर्मी (चौधरी) कपिलवस्तु कपिलवस्तुकाे विजयनगरमा पूर्ण खाेप दिगाेपनाका लागि याेजना तर्जुमा गाेष्ठी सम्पन्न " कपिलवस्तुक...

धर्मेन्द्र कुमार कुर्मी (चौधरी)

कपिलवस्तु

कपिलवस्तुकाे विजयनगरमा पूर्ण खाेप दिगाेपनाका लागि याेजना तर्जुमा गाेष्ठी सम्पन्न "

कपिलवस्तुकाे विजयनगर गाउँपालिकामा पूर्ण खाेप दिगाेपनाका लागि याेजना तर्जुमा गाेष्ठी कार्यक्रम सम्पन्न भएको छ । साेमबार आधारभूत अस्पताल बद्धाैरमा पालिका स्तरीय पूर्ण खाेप दिगाेपनाका लागि याेजना तर्जुमा कार्यक्रमले पूर्ण खाेप गाउँपालिका घाेषणाका लागि विभिन्न याेजनाहरु बनाइएको छ ।याेजनासहित विभिन्न सूचक र मापदण्डहरु पूरा गरि आगामी बैशाखमा पूर्ण खाेप दिगाेपनाका घाेषणा घाेषणा गर्ने याेजना बनाइएको स्वास्थ्य शाखा प्रमुख यज्ञ प्रसाद अधिकारीले जानकारी दिए । उनले स्वास्थ्य सेवा सुविधालाई प्रभावकारी बनाउन गाउँपालिका लागेकाे बताए ।गाउँपालिका अध्यक्ष गाेपाल बहादुर थापा मगरले १५ शैय्याकाे विजयनगरम अस्पताल शुभारम्भ गर्ने तयारीमा रहेकाे बताएका छन् । उनले याे अस्पताल प्राथमिकतामा रहेकाे बताउँदै अस्पताल सञ्चालनका लागि सबैकाे भूमिका आवश्यक रहेकाे बताए । डाक्टर र स्वास्थ्यकर्मीहरुले व्यावहारिक ढङ्गले सेवाग्राहीलाई सेवा सुविधाकाे बारेमा बुझाउनुपर्ने अध्यक्ष थापाले सुझाव दिए । अस्पतालबाट प्राप्त हुने सेवाबारे सर्वसाधारणमा सकारात्मक सन्देश जाने गरि लाग्नुपर्नेमा उनलेे जाेड दिए ।यस्तै प्रमुख प्रशासकीय अधिकृत शाेभाराम रिजालले खाेपकाे अवसरबाट वञ्चित नहुने लाग्नुपर्नेमा जाेड दिनुपर्ने बताए । हरेक बच्चाकाे पहुँचमा पुर्‍याउनु पर्ने बताउँदै नागरिकलाई खाेपकाे बारेमा स्पष्ट पार्दै सेवा प्रदान गर्नुपर्ने उनले बताए । अभिभावकलाई खाेपकाे बारेमा जानकारी भएपछि खाेपप्रति विश्वास बढ्दै जाने बताए ।यसैगरी ६ का वडा अध्यक्ष प्रेम बहादुर कलवारले सेवाग्राहीका गुनासोहरुलाई व्यवहारिक रुपमा हेर्नुपर्ने बताए । उनले सिमित सेवा सुविधाका बावजुद महिला स्वास्थ्य स्वयंसेविकहरुकाे स्वास्थ्य क्षेत्रमा महत्त्वपूर्ण भूमिका निर्वाह गरेकाे बताउँदै सरकारले उनीहरुकाे सुवासुविधालाई बृद्धि गर्न आग्रह गरे ।यस्तै ७ का वार्ड अध्यक्ष दिनेश कुमार चाैधरीले सक्रियता देखाउनुपर्ने बताए हो । खाेप नलगाउने व्यक्तिलाई वडा र पालिकाबाट प्राप्त हुने सेवा सुविधाबाट वञ्चित गरि खाेप सेवा दिनुपर्ने सेवामा निगरानी बढाउनुपर्ने सुझाव दिए ।  उनले विजयनगर आधारभूत अस्पताललाई स्वास्थ्य बिमा रिफर सेन्टर बनाउन सके प्रभावकारिता देखिने पनि वहाँले श्री गढीमाई राष्ट्रिय दैनिकलाई जानकारी दिएका छन्।