अजय यादव वियोगी
कलैया ,बारा ।
"समयमा पानी नपर्दा बारा लगायत तराई मधेसका किसान मारमा ,धानको बीउ सुक्न थालेपछि किसान चिन्तित "
नेपाल कृषि प्रधान देश हो ।तर कृषिमा अनेकन बाधा अवरोध अाएपनि सरकारले समयमा ध्यान नै दिदैन ।अहिले अाषाढको अन्तिम साता सम्म पानी नपर्दा बारा लगायत तराई मधेसका किसानहरु मारमा परेका छन् ।जेठ महिनाको दोस्रो हप्ता खसालिएको बिउ अाषाढको अन्तिम साता हुन लाग्दा पनि रोपाइँ नभएका कारण अधिकाँश किसान चिन्तामा नै परेका छन् ।दैवको कुदृष्टि परेको हो भन्नेर अधिकाँश किसानहरु माथमा हात राखेर चिन्तित हुन थालेका छन ।बाराको १६ पालिकामा अहिले थोरै मात्रामा रोपाइँ भएको कृषि ज्ञान केन्द्र बाराले जानकारी दिएका छन् ।बाराको १६ पालिका मध्ये अधिकाँश पालिकामा पानी नपरेका कारण रोपाइँ हुन नसकेको किसानहरुले बताएका छन।बाराको सुवर्ण गाउँपालिका लगायतको विभिन्न गाउँमा सयौं बिगाहाको बीउ सुक्न थालेको छ ।धानको बीउ सुक्न लागेकोले अाफू धेरै नै चिन्तित भएको बारा सुवर्ण गाउँपालिका -४ सरस्वती टोलका
किसान बिरेन्द्र प्रसाद यादवले बताउनुभयो ।अहिले सम्म भदैया धानको बीउ रोप्न सकिएको छैन ,अगहनी धान के कुरा नै गर्ने हो ।जेवतेव गरेर भदैया धानको रोपाइँ भएको भएपनि अगहनीको बीउ खेतमा नै सुक्न थालेको र रोग लागेर रातो समेत हुन थालेको अगुवा कृषक यादवले श्री गढीमाई राष्ट्रिय दैनिकलाई बताउनुभयो ।हर्दिया ,प्रशुरामपुर मझरिया ,कवही ,बगही ,सोलकपुर ,जमुनिया ,चरमोहना ,चौरहिया ,बहुअर्वा लगायतका गाउँका जनता चिन्तित भएका छन् ।यस्तै कलैया उपमहानगरपालिका ,जितपुर सिमरा उपमहानगरपालिका ,परवानीपुर गाउँपालिका ,प्रसौनी गाउँपालिका ,विश्रामपुर गाउँपालिका ,देवताल गाउँपालिका ,महागढीमाई नगरपालिका ,सिम्रौनगढ नगरपालिका ,कोल्हबी तथा निजगढ नगरपालिकाका किसानहरुमा मारमा परेका हुन ।एक हप्ता वर्षा भएन भने अधिकाँश बीउ नै नोक्सान हुने किसानका अगुवा नेता एवम् जननेता अशोककुमार यादवले बताउनुभयो ।समयमा सरकारले पानी दिन सकेको छैन ।तीन तहको सरकार भएपनि कुनै सरकार किसान प्रति उत्तरदायित्व बहन गर्न सकेका छैन ।किसानको समस्या समयमा बुझिएन भने खाधान्न सामाग्रीको हुन बेर लाग्ने छैन ।
COMMENTS