अमेरिकामा एनआरएनएको चुनावी सरगम बढ्यो

श्री गढीमाई डेली संवाददाता ।

अमेरिका ।

"अमेरिकामा एनआरएनएको चुनावी सरगम बढ्यो

 "

अमेरिकास्थित गैरआवासीय नेपाली संघ (एनआरएनए) को आगामी निर्वाचन नजिकिँदै गर्दा विभिन्न राज्यमा रहेका नेपाली समुदायमा चुनावी सरगर्मी बढेको छ । अहिले अमेरिका बस्ने नेपालीहरू चुनावमय भएका छन।

यसै सन्दर्भमा सुभाष कुमार बैठा ले एनआरएनए एनसिसि युएसए (२०२५–२०२७) को सचिव पदमा सत्येन्द्र साह को नेतृत्व रहेको टीम बाट आफ्नो उम्मेदवारी घोषणा गरेका छन् । 

उनले आफू सचिव पदका लागि प्रत्यासी रहेको जानकारी सार्वजनिक गर्दै नेपाली समुदायको सहयोग र समर्थनका लागि अपील गरेका छन् ।

       बैठा अमेरिका स्थित बिभिन्न संघ संस्था को नेतृत्व मा रही अनेकौ उल्लेखनीय कार्य गर्नु भएका छन । यस अघि वहाँ आफै आफ्नो गृह राज्य पेन्सलभानिया को एन आर एन एनसिसि को फोकल पर्सन हुदै संस्थापक अध्यक्ष भइ सक्नु का साथै बिभिन्न उप कमिटी हरू मा नेतृत्वदायी भुमिका रही काम गर्नु भएका छन । 

बैठा उम्मेदवारी घोषणासँगै एक सशक्त, समावेशी,पारदर्शी र सहभागी नेतृत्वको खाका प्रस्तुत गरेका छन् । उनले एनआरएनएलाई अब गुटगत सोचभन्दा माथि उठाएर समावेशी र साझा संस्था बनाउनु पर्नेमा जोड दिएका छन् । 

उनले भने, ‘एनआरएनए केवल केही समुदाय र व्यक्तिको नेतृत्वमा सीमित संस्था नभई यो सम्पूर्ण विश्वभर रहेका नेपालीहरूको साझा संस्था हो र यही हाम्रो पहिचान हो । अब सबैको आवाज, सबैको सहभागिता र पारदर्शी कार्यशैलीको खाँचो छ ।’

वहाँ ले विशेषगरी अमेरिकाभरी रहेका अग्रज, युवा, महिला र समुदायप्रेमी शुभेच्छुकहरूलाई लक्षित गर्दै यस्तो अपील गरेका छन् । उनले भने, ‘तपाईंहरूको अमूल्य सुझाव, निरन्तर सहयोग र बहुमूल्य समर्थनले मलाई अघि बढ्ने हौसला मिल्नेछ ।’

उनले आफ्नो उम्मेदवारीलाई केवल पदको आकांक्षा नभई एनआरएनएमा मा काम गरेको लामो अनुभव सहित सकारात्मक रूपान्तरण ल्याउने अवसरको रूपमा प्रस्तुत गरेका छन् । ‘एनआरएनएलाई सबल, उत्तरदायी र जनउत्तरमुखी बनाउनका लागि म तपाईंहरूको साथ र मतको अपेक्षा राख्दछु,’ उनले अपील गर्दै भने । 

बैठाले  वर्तमान समयमा एनआरएनएभित्र देखा परेको गुटबन्दी र नेतृत्वको सिमिता प्रती संकेत गर्दै सबै नेपालीलाई समेट्न सक्ने नेतृत्वको आवश्यकता औँल्याएका छन् । उनले भने, ‘एकता अब विकल्प नभई अपरिहार्य आवश्यकता हो ।’ 

उनले नेपाली डायस्पोराको समृद्धि, पहिचान संरक्षण र सामाजिक समावेशीताका लागि साझा उद्देश्यसहित अघि बढ्ने प्रतिबद्धता व्यक्त गर्दै सत्येन्द्र साह को नेतृत्व मा रहेका प्यानल लाई मतदान गर्न सम्पूर्ण मतदाता लाई आग्रह गर्नु भएका छन ।