बारामा दुर्घटनाः दुईजनाको मृत्यु, १९ जना घाइते

वीरगंज, ३१ भदौ । बाराको दुई स्थानमा दुर्घटना हुँदा दुईजनाको मृत्यु भएको छ भने १९ जना घाइते भएका छन् । पूर्व–पश्चिम राजमार्ग अन्तर्गत बाराको...

वीरगंज, ३१ भदौ । बाराको दुई स्थानमा दुर्घटना हुँदा दुईजनाको मृत्यु भएको छ भने १९ जना घाइते भएका छन् ।
पूर्व–पश्चिम राजमार्ग अन्तर्गत बाराको निजगढ नगरपालिका वडा नम्बर ८ मा आइतवार राति मोटरसाइकल दुर्घटना हुदाँ एक जनाको मृत्यु भएको छ । मृत्यु हुनेमा मोटरसाइकल चालक सर्लाहीको धनकौल नगरपालिका–२ बस्ने ३७ वर्षीय दिनेश साह रहेका छन् ।

चन्द्रनिगाहपुरबाट पथलैयातर्पm आउँदै गरेको बा ६३ प ७३३० नम्बरको मोटरसाईकल पूर्व–पश्चिम राजमार्ग स्थित तामागढी गेट नजिक अनियन्त्रित भई दुर्घटना हुँदा मोटरसाइकल चालक साह गम्भीर घाइते भएका थिए । उनलाई उपचारका लागि वीरगंज ल्याउने क्रममा बाटोमै उनको मृत्यु भएको प्रहरीले जनाएको छ।

मोटरसाईकलको पछाडी सवार धनकौल–२ कै ४६ वर्षीयलकिशोरी साह घाइते भएका छन् । उनको वीरगंजस्थित बयोधा मेडिसिटी अस्पतालमा उपचार भईरहेको प्रहरीले जनाएको छ ।

यसैगरी पूर्वपश्चिम राजमार्ग अन्तर्गत बाराको निजगढ नगरपालिका वडा नम्बर ८ स्थित उनासी पुलबाट आइतवार राति ३४ जना सवार बस खस्दा १ जनाको मृत्यु भएको छ । ३० जना भन्दा बढी घाइते भएका छन ।

काकडभिट्टाबाट दाङ जाँदै गरेको ना. ८ ख ११६४ नम्बरको बसको अगाडीको पट्टा भाचिएर अनियन्त्रित भई पुल देखि ८ मिटर तल खसेको हो ।

मृत्यु हुनेमा दाड्ढो देउखुरी गटवा गाउँँपालिका – ५ का ४५ वर्षीय चेतन राय यादव रहेका छन् ।दुर्घटनामा परी गम्भीर घाइते भएका यादवको वीरगंजस्थित बयोधा मेडिसिटी अस्पतालमा उपचारको क्रममा सोमवार बिहान करिब ४ बजे मृत्यु भएको हो ।

दुर्घटना परेर ५ जना गम्भीर घाइते छन् । घाइते १३ जनाको अवस्था मध्यम र १५ जनाको सामान्य रहेको प्रहरीले जनाएको छ ।

दुर्घटनामा परेका यात्रीलाई इलाका प्रहरी कार्यालयका प्रहरी निरीक्षक सुमित कुशवाहाको नेतृत्वमा खटिएको नेपाल प्रहरी,सशस्त्र प्रहरी र ट्राफिकको टोलीले उद्धार गरेर निजगढ सिटी अस्पताल र निजगढ सामुदायिक अस्पताल पुर्याएका थिए ।