वीरगंज, ८ असार । पर्सा जिल्लामा प्रेस मंच नेपालको संगठन विस्तार गर्न समन्वय समिति गठन गरिएको छ । विभिन्न संचारमाध्यममा कार्यरत पत्रकारहरू...
वीरगंज, ८ असार ।
पर्सा जिल्लामा प्रेस मंच नेपालको संगठन विस्तार गर्न समन्वय समिति गठन गरिएको छ । विभिन्न संचारमाध्यममा कार्यरत पत्रकारहरूलाई गोलबद्ध गराउँदै उनीहरूको क्षमता अभिबृद्धि गराउने उद्देश्यका साथ समिति विस्तार गर्न लागिएको हो ।
मंचका केन्द्रीय उपाध्यक्ष विरेन्द्र साहको संयोजकत्वमा गठन भएको समन्वय समितिमा ५ जना सदस्य रहेका छन् । जसमा सनी महतो, आविद हुसेन, दिपेन्द्र चौधरी, बलिराम यादव रहेका छन् ।
समितिले प्रेस मंचमा आवद्ध हुन चाहने सबैलाई समेटेर भेला आयोजना गरी जिल्ला कार्यसमिति पुनः गठन गरिने निर्णय गरेको छ । साथै सदस्यता थप गर्न अभियान चलाउने निर्णय पनि गरेको छ ।
बुधवारको बैठकले मंचको कार्यालय वीरगञ्ज ३ छपकैयाँमा संचालन गर्ने निर्णयका साथै जिल्लामा जसपाबाट निर्वाचित जनप्रतिनिधिलाई कार्यक्रममार्पmत सम्मान गर्ने निर्णय पनि गरेको छ ।
बैठकमा किरण सत्याल, प्रेमचन्द्र सर्राफ, बलिराम यादव, त्रिलोकीनाथ यादव, अब्दुल कैस, संजय प्रसाद कुशवाहा, राकेश चौरसिया, जाकिर हुसेन, पिंकी सर्राफ लगायतको सहभागीता रहेको थियो ।
COMMENTS