अजय यादव वियोगी
कलैया ,बारा ।
"बाराको सुवर्ण गाउँपालिकामा चुनाव लक्षित ग्याँस वितरण गर्ने भण्डाफोर ,जनता निराश "
दुनियाँमा जे भएपनि ईमानदारिता एकदिन बाहिर अाउँछ नै त्यहीँ भएको छ बाराको सुवर्ण गाउँपालिकामा चुनाव लक्षित गरेर ग्याँस वितरण हुने भएको छ ।जनप्रतिनिधिहरु र कर्मचारीको सेटिङ्गमा प्रहरी चौकी बडकीफुलवरियाको प्राङ्गणमा राखिएको छ ।सयौं भन्दाबढी ग्याँस प्रहरी चौकीमा राखिएको छ ।त्यतिमात्र नभई चुल्हो रेगुलेटर,पाईप तथा लाईटर समेत प्रहरी चौकीको हाताभित्र राखिएको छ ।सुरक्षाको दृष्टिकोणलाई देखाउँदै चुनाव लक्षित बनाएका छन ।सनफुलवाका केही स्थानीयलाई ग्याँस वितरण गरि केहीलाई नदिने सोच भएका कारण प्रहरी चौकीलाई भाँडाका घर बनाएका हुन ।गाउँपालिका अध्यक्ष महेन्द्र प्रसाद यादव र वडाध्यक्ष विजय सिँहले सरकारी रकमको अाफ्नै पार्टीगत रकमझै चुनावी बनाउन खोजेको स्थानीयबासीको भनाइ रहेको छ ।प्रहरी चौकी बडकी फुलवरियाका ईन्चार्ज एवम् असई अवनिश कुमार मिश्रले ईलाका प्रहरी कार्यालय कवही गोठका सई कृष्णदेव सिँहको
अादेशले चौकीमा ग्याँस लगायतको सामाग्री राख्न दिएको श्री गढीमाई राष्ट्रिय दैनिकलाई बताउनुभयो ।चुनावी माहोल बनीसकेका बेला प्रहरी चौकीमा ग्याँस राखि सर्वसाधारण जनतालाई गुमराह बनाई अाफ्नो मान्छेलाई दिने नियतका कारण यस्तो दिन अाएको बताईएको छ ।असई मिश्रले चार पाँच दिनदेखि ग्याँस थन्क्याएर राखिएको समेत बताउनुभयो ।प्रहरी चौकी नै ग्याँस राख्ने स्थल भएको अाफ्नो मर्यादा बिर्सिकोमा स्थानीय मानिस समेत खिन्न भएका हुन ।स्थानीयबासीलाई ग्याँस दिई अाफ्नो पक्षमा ल्याउन यस्तो तरिका समेत अपनाएको सनफुलवाका स्थानीयबासीको भनाइ रहेको छ ।यसरी मधेसमा प्रहरी ,प्रशासन समेत गल्त गर्नेको साथ दिएको खुलासा भएको छ ।जनतासँग सुरक्षा रको वाचा गरेका नेपाल प्रहरी अहिले ग्याँसकै सुरक्षामा तल्लीन समेत भएका छन् ।सुवर्ण गाउँपालिकाको कार्यालय नजिकै भएपनि प्रहरी चौकीमा ग्याँस राख्नाले शंका मात्र नभई चलखेल भएको समेत जानकारहरुले बताएका छन् ।प्रहरी चौकीको सहारामा नै डिजाइन स्वरुप कमाउने उद्देश्यले यस्तो कार्य भएको स्थानीयबासीहरु बताएका छन् ।
प्रतिक्रिया