सम्पादकीय ।
दुर्घटना न्युनिकरण गर्नमा सबैको ध्यान केन्द्रित होस् ।
बारा जिल्लामा अहिले दिनहुँ दुर्घटनाका घटना बढदै गएको छ ।यसतर्फ सबैको ध्यानाकर्षणहुनु जरुरी रहेको छ ।सबै पालिकामा अहिले दुर्घटनाको घटना दिनहुँ भएकाले बाराबासी चिन्तित बन्न पुगेका छन् ।सबै सडकमा तिव्र गतिले गाडी चलाउनेको संख्या बढेको भएपनि प्रहरीले कारवाही गर्न सकेका छैन ।ट्राफिक प्रहरीले कलैया ,बरियारपुर ,सिम्रौनगढ ,कोल्हबी ,सिमरा ,निजगढ ,पथलैयामा विभिन्न अभियान चलाउनुपर्ने देखिएकोमा त्यस्तो हुन सकेको छैन ।सबैतिर गाडी दुर्घटना नै बढेको हो ।त्यसमा मोटरसाइकल दुर्घटनाले बाराबासी अाकुलपाकुल भएका छन् ।भारतीय नम्बरको मोटरसाइकल र चालक अनुमतिपत्र समेत नभएकाहरुले सडकमा तिव्रगतिले गाडी चलाएका कारण झन् समस्या भएको छ ।प्रहरी,प्रशासनले ताकेता नै गरेका छैनन् ।बाराको सबै भागमा निर्धक्क रुपले भारतीय सवारी चल्ने गरेका छन् ।तर खोज्ने निकाय नै मौन रहेका छन् ।यस्तै हाईवे सडकमा विशेष सतर्कता तथा अाधुनिक प्रविधिको प्रयोग गर्नुपर्ने अावश्यकता भएपनि गर्न सकेका छैन ।छिटपुट रुपमा प्रहरीले चेकिङ्ग गर्ने गरेका छन् ।नियमित चेकिङ्ग नगरेका कारण यस्तो दुर्घटनाको घटनामा वृद्धि भएको ट्राफिकका जानकारहरुले बताएका छन् ।बारामा मात्र नभई प्रदेश नम्बर -२ नै सवारी दुर्घटनामा अति जोखिम प्रदेशका रुपमा अाउने गरेका छन् ।गृह मन्त्रालय र सडक विभागले पनि सडक न्युनिकरणका लागि सकारात्मक कदम उठाउनु जरुरी रहेको छ ।यसरी गल्ती गरे भनेपनि कारवाही नहुने भएपछि चालकको मनोबल घटन सकेका छैनन् ।त्यसैले सबै मिली सडक दुर्घटना घटाअौँ ।
ट्राफिक नियमको पालना गरौँ ,अाफू पनि जोगौँ ,अरुलाई पनि जोगाअौँ ।
जय राष्ट्र ,जय गढीमाई ,जय जनता ।
COMMENTS