अजय यादव वियोगी
कलैया ,बारा ।
बाराको पचरौता नगरपालिका वडा नम्बर -७ बेनौलीमा अप्रेशन थिएटर,ICU,USG सहितको बर्थिङ्ग सेन्टर र वडा नम्बर -७ को वडा कार्यालयको भवनका लागि पचरौता नगरपालिकाकाका मेयर एवम् प्रखर वक्ता जलन्धर सिंह जैसवारले भवन निर्माणका लागि शिलान्यास गरेका हुन ।बर्थिङ्ग सेन्टर स्थापना भए बेनौलीबासी सहित नगरपालिकाभरिका जनता लाभान्वित हुने भएका छन् ।त्यस्तै वडा भवन नहुँदा सहज ढंगले काम गर्न समस्या भएकाले सुविधा ,सम्पन्न वडा कार्यालय बनाई वडाबासीको सेवा ,सुविधा सहज बनाउनको निमित्त भवनको शिलान्यास गरिएको पचरौता नगरपालिकाले जनाएका छन् ।शिलान्यास कार्यक्रममा नगरपालिकाका उप-मेयर नसिमा खातुन ,नगरपालिकाका प्रवक्ता लक्ष्मी यादव ,वडा नम्बर -३ का वडाध्यक्ष धेनुक प्रसाद पटेल ,वडा नम्बर -७ का वडाध्यक्ष बनारसी मुखिया बिन ,शिक्षा सह संयोजक मुकेश कुमार पटेल नगरपालिकाका कर्मचारी ,बुद्धिजीवी ,समाजसेवी ,पत्रकार तथा सरोकारवालाहरुको उपस्थिति रहेको थियो ।
प्रतिक्रिया