अजय मिश्र
"कृष्णनगर, कपिलवस्तु
इलाका प्रहरी कार्यालय कृष्णनगरले १० हजार वटा अवैध कुखुराका चल्ला गरे नष्ट "
इलाका प्रहरी कार्यालय कृष्णनगरले अवैध कुखुराका चल्ला नष्ट गरेको छ । प्रहरीले कृष्णनगर नगरपालिका–४ सिर्सिहवाबाट अवैध चोरी, पैठारी गरि ल्याइएको अवैध चल्ला (बच्चा) नष्ट गरिएको कृष्णनगरका प्रहरी निरीक्षक लक्ष्मण ओलीले श्री गढीमाई राष्ट्रिय दैनिकलाई बताउनुभयो।
तस्करहरुले भारतबाट निकासी पैठारी गरि नेपालतर्फ ल्याउँदै गरेको अवस्थामा १० हजार वटा अवैध कुखुराका चल्ला प्रकाउ गरिएको प्रहरी निरिक्षक अोलीले बताउनुभयो। बरामद गरिएको कुखुराका चल्ला सरोकारवालाहरुको रोहबरमानष्ट गरिएको प्रहरीले जानकारी दिएका छन्।नष्ट गरिएको कुखुराको चल्लाको बजार भाँउको मुल्य ७ लाख ५० हजार रुपियाँ बराबरको रहेको प्रहरी निरीक्षक लक्ष्मण अोलीले श्री गढीमाई राष्ट्रिय दैनिकलाई बताउनुभयो।
तस्करहरुले प्रहरी गस्ती टोलीलाई देखेपछि चल्ला छोडेर भारततर्फ भागेको ईलाका प्रहरी कार्यालय कृष्णनगरले जानकारी दिएका छन्। बेवारिसे अवस्थामा रहेको चल्लालाई प्रहरीले फेला पारेका थिए। पशु स्वास्थ्य सेवा नियमावली २०५६को दफा ८ र ९ बमोजिम अवैध देखिएको हुँदा सोही नियमावली परिच्छेद ४ को दफा १८ (१) बमोजिम बरामद गरिएको चल्लालाई खाडलमा पुरी नष्ट गरिएको प्रहरीले जनाएका छन् ।पशु क्यारेन्टाइन चेक पोष्ट कृष्णनगरका प्रतिनिधि, जनप्रतिनिधि, प्रहरी, पत्रकार र स्थानीयको रोहबरमा सुरही नदी खोला किनारमा खाडलमा पुरी नष्ट गरिएको ईलाका प्रहरी कार्यालय कृष्णनगरले जानकारी दिएका छन्।
प्रतिक्रिया