धन्सारपुलमा बस दुर्घटना हुंदा एकजनाको मृत्यु, १५ जना घाइते

बारा, २६ भदौ । पूर्व–पश्चिम लोकमार्ग अन्तर्गत बारा, निजगढ नपा–८ धन्सारपुलमा बस दुर्घटना हुँदा एकजनाको मृत्यु भएको छ भने १५ जना घाइते भएका छन...

बारा, २६ भदौ । पूर्व–पश्चिम लोकमार्ग अन्तर्गत बारा, निजगढ नपा–८ धन्सारपुलमा बस दुर्घटना हुँदा एकजनाको मृत्यु भएको छ भने १५ जना घाइते भएका छन् । 

आज बिहान मलङगवाबाट नारायणघाट जादै गरेको म.प्र.०३–००१ ख ९३९६ नम्बरको बस दुर्घटना हुँदा सर्लाही हेमपुर न.पा.४ कबिलासी बस्ने वर्ष ५३ को रामकेवल रायको मृत्यु भएको छ भने बस चालक मलङगवा न.पा. ९ बस्ने वर्ष ३५ को मनोज चौधरी, सहचालकस– महोत्तरी खयरमारा न.पा.६ बस्ने वर्ष ३५ को सुमन तोलाङगी, कन्डकटर सर्लाही मलङगवा न.पा.९ बस्ने वर्ष ४० को शिवजी राउत, चितवन पठार गा.पा.१० बस्ने वर्ष ३२ की नेत्र कुमारी भुजेल, दाङ तुल्सिपुर गा.पा.१० बस्ने वर्ष २८ को बिजय गिरी, मकवानपुर भिफेदी गा.पा.२ बस्ने ७८को कृष्ण प्रसाद पाख्रिन, वर्ष ७७ की थुलीमाँया पाख्रिन, रौतहत चन्द्रपुर न.पा.१ बस्ने अ.वर्ष २८ को प्रबिन लुङगेली, रौतहत चन्द्रपुर न.पा.१ बस्ने वर्ष ५० की लिलामाँया लुङगेली, सर्लाही लालबन्दी न.पा.६ बस्ने वर्ष ३६ की मिना बि.क., .रौहतह चन्द्रपुर न.पा.६ बस्ने अ.वर्ष ६५ की पम्फा थापा, धनुषा सिङगेश्वर न.पा.७ महेन्द्रनगर बस्ने वर्ष ५५ को कृष्ण ढुङ्गेल, सर्लाही नवलपुर बस्ने वर्ष ३५ की राधिका उप्रेती, रौतहत चन्द्रपुर न.पा. ७ बस्ने अ.वर्ष ३३ को डुकेन्द्र कोईराला, सर्लाही लालबन्दी न.पा.४ बस्ने वर्ष ३१ को ओजेस कुमार चौधरी, सर्लाही लालबन्दी न.पा.४ बस्ने वर्ष २७ को संगम चौधरी, सर्लाही हरिपुर न.पा.१ बस्ने वर्ष ३५ को चित्र बहादुर बोहरा घाइते भएको जिल्ला प्रहरी कार्यालय, बाराका सुचना अधिकारी एवं प्र.ना.उ. दधिराम न्यौपानेले जानकारी गराएका छन् ।