वीरगंज, ५ वैशाख । आजदेखि पर्सा जिल्लामा टाइफाइडविरूद्धको खोप अभियान शुरू भएको छ । प्रदेश स्वास्थ्य निर्देशनालयका मधेस प्रदेशका निर्देशक व...
वीरगंज, ५ वैशाख ।
आजदेखि पर्सा जिल्लामा टाइफाइडविरूद्धको खोप अभियान शुरू भएको छ । प्रदेश स्वास्थ्य निर्देशनालयका मधेस प्रदेशका निर्देशक विजयकुमार झाले पर्सामा वैशाख ५ देखि वैशाख १२ सम्म खोप अभियान शुरु गरिएको बताए ।
१५ महिनादेखि १५ वर्षसम्मका १७ लाख ८७ हजार ७ सय १० जना बालबालिकालाई टाइफाइडविरूद्धको खोप लगाउने तयारी रहेको झाले बताए । खोपबाट बचाउन सकिने रोगहरूलाई शून्यमा झार्ने सरकारको लक्ष्यअनुसार प्रदेशमा बढ्दो टाइफाइडविरूद्ध खोपअभियान सञ्चालन गर्न लागिएको उनले बताए । पूर्ण खोपको सुनिश्चितता गर्न र खोप कभरेज ९५ प्रतिशत पु¥याउने जिल्लामा अभियानकै रूपमा खोप अभियान चलाइएको छ ।
मधेस प्रदेशमा ४ वर्षमुनिका ३ लाख ७३ हजार ९ सय ४० र ४ देखि १५ वर्ष उमेर समूहका १४ लाख १३ हजार ७ सय ७० बालबालिकालाई टाइफाइड रोगविरूद्धको खोप लगाइने भएको छरु। निर्देशक झाका अनुसार खोपबाट कोही बालबालिका नछुट्ने गरी प्रदेशका सबै वडास्तरसम्मका विद्यालयमा पनि खोप टोली परिचालन गरिएको छ ।
पर्सामा ४० हजार ७५१ र ४ वर्षदेखि १५ वर्षसम्मका १ लाख ५९ हजार २१२ जना बालबालिकालाई टाइफाइडविरूद्धको खोप लगाइने योजना रहेको छ । १५ महिनादेखि १५ वर्षसम्मका बालबालिकालाई खोप लगाइने स्वास्थ्य निर्देशनालय मधेस प्रदेशले जानकारी दिएको हो । सरकारी तथ्यांकमा पछिल्लो ५ वर्षमा देशभर ४ लाख ५० हजार बालबालिका टाइफाइड रोगका कारण बिरामी परेका छन ।
COMMENTS