अजय यादव वियोगी
कलैया ,बारा
"बाराको कलैयामा प्रवेश निषेध गरिएको ठाउँमा गाडी पार्किङ नगर्न कलैया उ.म.न.पा.र जिल्ला ट्राफिक प्रहरी कार्यालय बाराले संयुक्त रुपमा चलायो अभियान "
बाराको सदरमुकाममा कलैयामा अव्यवस्थित रुपले गाडी पार्किङको समाचार लगातार रुपले अाउन थालेपछि कलैया उपमहानगरपालिकाले एक्सन लिएर नै काम गर्न थालेका छन् ।कलैया उपमहानगरपालिका र जिल्ला ट्राफिक कार्यालय बाराको संयुक्त अायोजनामा प्रवेश निषेध गरिएको ठाउँमा राखिएको गाडीलाई कारवाही गर्न थालेका छन् ।विगत केही दिन अगाडि श्री गढीमाई राष्ट्रिय दैनिकमा पार्किङको नाम ठगि भनेेको शीर्षकको समाचार प्रकाशित भएपछि कलैया उपमहानगरपालिकाका कर्मचारीहरुले कार्यतालिका बनाएर कलैया उपमहानगरपालिकालाई व्यवस्थित गर्न थालेका छन् ।अाज कलैयाको भरतचौक देखि मच्चछर हट्टा चौक सम्म र एनअाईसी बैंक रोड देखि दही बजार सम्म प्रवेश निषेध गरिएको गाडीलाई कारवाही गरिएको कलैया उपमहानगरपालिका का वातावरण शाखा प्रमुख रामजी मण्डलले बताउनुभयो ।कलैया उपमहानगरपालिकाले तीन चरणमा कलैयाको ट्राफिक व्यवस्था मजबुत बनाउन लागेको र त्यसमध्ये यो पहिलो चरणको भएको वातावरण शाखा प्रमुख मण्डलले बताउनुभयो ।अब नियमितरुपले कलैया उपमहानगरपालिकाका कर्मचारी ,नगर प्रहरी र जिल्ला ट्राफिक प्रहरीको सहायतामा नियन्त्रण गरिने कलैया उपमहानगरपालिकाका वातावरण शाखा प्रमुख मण्डलले बताउनुभयो ।बाराको सदरमुकाम कलैयालाई व्यवस्थित बनाउन प्रहरी ,पत्रकार ,नागरिक समाज ,व्यापारी तथा अन्य सबै सरोकारवालाबाला अावश्यकता रहेको जिल्ला ट्राफिक प्रहरी कार्यालय बाराका प्रहरी नायब निरिक्षक (सई) जयराम पुडासैनीले बताउनुभयो ।प्रवेश निषेधबाट लगिएको मोटरसाइकलको जरिवाना १०००/- एक हजार देखि १५००/- एक हजार पाँच सय सम्म गर्न सकिने ट्राफिक प्रहरी कार्यालय बाराका प्रहरी नायब निरिक्षक पुडासैनीले बताउनुभयो ।२५/३० जनाको समुहले प्रवेश निषेध गरिएको ठाउँमा राखिएको समान तथा गाडीलाई सम्झाई बुझाई गरेको तथा अटेरीपन गरेकोलाई कारवाही समेत गरिएको कलैया उपमहानगरपालिकाको कार्यालयले जानकारी दिएका छन् ।कलैया उपमहानगरपालिका र ट्राफिक प्रहरीले चालेको कदमबाट भिड नियन्त्रण हुनुको साथै दुर्घटना कम हुने कलैयाका विश्लेषकहरुले विश्लेषण गरेका छन् ।कलैया उपमहानगरपालिका र ट्राफिक प्रहरी को कलैयाबासीले प्रशंसा गर्न थालेका छन् ।पहिला बजार गर्न कठिन हुने गरेको भएपनि अहिले सजिलो हुने कलैयाका अमृता देवी कुशवाहाले बताईन ।कलैया उपमहानगरपालिका धन्यवादका पात्र भएको अर्का स्थानीयबासी नरेश गिरीले बताउनुभयो ।कलैया उपमहानगरपालिकाले पटक -पटक माईकिङ्ग तथा अन्य प्रचारप्रसार गर्दा समेत अटेरी गर्नेको संख्या कम नभएका एक्सनमै काम गर्नु परेको सरोकारवालाहरुले बताएका छन् ।श्री गढीमाई राष्ट्रिय दैनिक नियमित रुपले यस्ता गतिविधिको समाचार प्रकाशित गर्दै अाएकोले सहज भएको पत्रकार विनोद साहले बताउनुभयो ।यसरी काम हुन थाले भने व्यापार ,व्यवसाय गर्न सजिलो हुने कलैयाका व्यापारीहरुले बताएका छन् ।
प्रतिक्रिया