सर्लाही । सर्लाही प्रहरीले सावा करोडभन्दा बढीको अवैध समानहरू सर्लाही भन्सार कार्यालयलाई बुझाएको छ ।
प्रहरीले असार १ गतेदेखि हालसम्म जिल्ला प्रहरी कार्यालय तथा मातहतका कार्यालयहरू समेतबाट विभिन्न किसिमका अवैध सामानहरू बरामद गरी १ करोड ३१ लाख २ हजार १ सय ८३ रुपैयाँ राजश्व बराबरको अवैध सामानहरू आवश्यक कारबाहीको लागी सर्लाही भन्सार कार्यालय मलंगवामा बुझाएको जिल्ला प्रहरी कार्यालय सर्लाहीका प्रहरी नायव उपरीक्षक माधव प्रसाद बुढाथोकीले जानकारी दिनुभयो ।
प्रहरीले नियमित रुपमा सिमानाका तथा अवैध गतिविधिहरू हुने स्थानहरूमा प्रहरी परिचालन गरी भन्सार छली ल्याएको समानहरू बरामद गरी उक्त मूल्य बराबरको विभिन्न मिति गरी भन्सार कार्यालयमा आवश्यक कारबाहीको लागि पठाएको प्रहरी नायव उपरीक्षक बुढाथोकीले बताउनुभयो ।
प्रतिक्रिया