मोटरसाइकल चोरी गर्ने तीनजना पक्राउ

वीरगंज, २६ माघ ।  जिल्ला प्रहरी कार्यालय, पर्साले मोटरसाइकल चोरी गरेको आरोपमा तीनजनालाई पक्राउ गरेको छ ।  आज बिहान ४ः३० बजे वीरगञ्ज महान...

वीरगंज, २६ माघ । 

जिल्ला प्रहरी कार्यालय, पर्साले मोटरसाइकल चोरी गरेको आरोपमा तीनजनालाई पक्राउ गरेको छ । 

आज बिहान ४ः३० बजे वीरगञ्ज महानगरपालिका वडा नं.१६ नगवा बस्ने बिनोद प्रसाद सहनीको नाममा दर्ता रहेको ना.१६ प २९७४ नम्बरको मोटरसाइकल उनको घरको आँगनमा पार्किङ गरिराखेको अवस्थामा चोरी गर्न खोज्दा प्रहरीले दुईजनालाई पक्राउ गरेको हो । 

बारा जितपुर सिमरा उ.म.न.पा.वडा नं.७ बस्ने वर्ष १९ को रंजित सहनी र वर्ष २० को सभन पाठकले गेट तोडी मोटरसाइकल बाटोमा ल्याई लक तोड्दै गरेको अवस्थामा विनोदले देखेपछि प्रहरीमा जानकारी गराएको थियो । प्रहरी तुरुन्तै सो स्थानमा पुगेर दुवैजनालाई पक्राउ गरी चोरी सम्बन्धी कसूरमा मुद्दा चलाइरहेको छ । 

यसैगरी हिजो दिउँसो १ः३० बजे वीरगञ्ज महानगरपालिका वडा नं.३ ठाकुर राम क्याम्पस पछाडिको गलीबाट ठोरी गाउँँपालिका वडा नं.५ बस्ने अनिल कुमार चापागाईको नाममा दर्ता रहेको ना.४४ प ८२७५ नम्बरको मोटरसाइकल चोरी गर्ने क्रममा प्रहरीले विन्दवासिनी गा.पा.वडा नं.२ बस्ने वर्ष २८ को राजनाथ यादवलाई पक्राउ गरेको प्रहरीले जनाएको छ । मोटरसाइकलको लक तोडी भाग्दै गरेको अवस्थामा यादवलाई प्रहरी चौकी आदर्शनगरले पक्राउ गरी चोरी सम्बन्धी कसूरमा अनुसन्धान गरिरहेको प्रहरीले जनाएको छ ।