बीरगन्ज,०८ माघ । बीरगन्जमा बसको ठक्करबाट मोटरसाइकल चालकको मृत्यु भएको छ ।
बीरगन्ज महानगरपालिका वडा नम्बर १२ मुर्ली पोखरी अगाडी बाईपास सडक खण्डमा बीरगन्जबाट नारायणघाटतर्फ जाँदै गरेको बसले ठक्कर दिँदा मोटरसाइकल चालक गम्भिर घाइते भएका थिए ।
बा.४ ख ७३९० नम्बरको बसले ना.१४ प ८१०४ नम्बरको मोटरसाइकललाई ठक्कर दिँदा मोटरसाइकल चालक पर्साको जगरनाथपुर गाउँपालिका वडा नम्बर ४ निवासी ६० वर्षीय समशुल मियाँ गम्भिर घाइते भएका थिए ।
प्रभु हस्पिटलमा उपचारको क्रममा मियाँको मृत्यु भएको प्रहरीले जनाएको छ । बस चालक चितवनको भरतपुर महानगरपालिका वडा नम्बर ९ गीतानगरका ३२ वर्षीय सुरेश परियारलाई प्रहरीले नियन्त्रणमा लिएको छ ।
घटनाको सम्बन्धमा आवश्यक अनुसन्धान भईरहेको जिल्ला प्रहरी कार्यालय पर्साका प्रवक्ता एवम् प्रहरी नायब उपरीक्षक ओमप्रकाश खनालले बताए ।
प्रतिक्रिया