श्री गढीमाई राष्ट्रिय दैनिक इपेपर पिडिएफमा पढ्नुहोस

neelambads

बजार पुग्यो एक सय दरका १५ सय नक्कली नोट, हजुरआमादेखि नातीसम्म पक्राउ

955 SHARE:

२ मंसिर, काठमाडौं । एक सय रुपैयाँ दरको १५ सय वटा नक्कली नेपाली नोट बजारमा पुगेको पाइएको छ । तीमध्ये २९ वटा नोट मात्रै प्रहरीले बरामद गरेको छ ।

काठमाडौं प्रहरीको महानगरीय प्रहरी वृत्त, बौद्धले नक्कली नोट ६५ हजार रुपैयाँसहित पक्राउ परेको गिरोहले १५ सय वटा नोट बजारमा पठाएको अनुसन्धानका क्रममा खुलेको हो । ती नोट कहाँ छन् भन्ने हालसम्म पत्तो लागेको छैन ।

तर प्रहरी आशंका चाहिँ ती नोट जोरपाटी, आरुबारी, नारायणटार लगायतका क्षेत्रमै हुनसक्ने छ ।

बौद्ध प्रहरीका प्रहरी नायब उपरीक्षक (डीएसपी) ढुण्डिराज न्यौपानेले अनलाइनखबरसँग भने, ‘बयानका क्रममा उनीहरुले नोट बजारमा गइसकेको खुलाएका छन्, विस्तृत अनुसन्धान गरिरहेका छौं ।’

महानगरीय प्रहरी परिसर, काठमाडौंका प्रवक्ता रमेशकुमार बस्नेतले पनि फोटोकपी गरेर तयार गरिएका नोट बजारमा गएकाले सतर्क रहन सर्वसाधारणलाई अपिल गरे ।

‘सक्कली नोटलाई प्रिन्ट लगेर फोटोकपी गर्दै गम लगाएर स्टीम गरेको भेटिएको छ’ उनले अनलाइनखबरसँग भने, ‘झट्ट हेर्दा छुट्टयाउनै गाह्रो पर्ने रहेछ ।’

तर नोटमा भएको हस्तक्षर र थ्रेडलाई गहिरिएर हेर्ने हो सक्कली र नक्कली छुट्टयाउन सकिने उनी बताउँछन् । बस्नेत थप्छन्, ‘कसैलाई नोटमाथि शंका लाग्यो भने प्रहरीलाई खबर गरिदिनुस् ।’

राम्ररी हेर्ने हो भने कागजको गुणस्तरबाट पनि सक्कली र सक्कली छुट्टिने उनले बताए । उनका अनुसार यो गिरोहले तयार पारेको नोट सामान्य नोटभन्दा मोटो छ ।

नक्कली नोट बनाउने गिरोहमा संलग्न पाँच जनालाई प्रहरी वृत्त बौद्धले हिरासतमा राखिसकेको छ ।

नेपाली नक्कली नोट बनाएको आरोपमा हिरासत पुग्नेमा सिन्धुपाल्चोककी ५६ वर्षीया गोमा श्रेष्ठ, ४१ वर्षीया पुष्पा थापा मगर, रामेछापका २६ वर्षीय सरोज थापा मगर, सिन्धुपाल्चोकका १९ वर्षीय चिरञ्जीवी जोती र २३ वर्षीय सुजन जोती छन् ।

बौद्धका डीएसपी न्यौपानेका अनुसार मुलुकी अपराध संहिताको मुद्रा सम्बन्धी कसूरमा ५ दिन अनुसन्धानका लागि अनुमति लिएर उनीहरुलाई हिरासतमा राखिएको छ । न्यौपाने भन्छन्, ‘गिरोहमा अन्यको पनि संलग्नता हुनसक्छ, अनुसन्धान गरिरहेका छौं ।’

हजुरआमा, छोरी र नाती मिलेर नक्कली नोट बजारमा पठाएको देखियो – ढुण्डिराज न्यौपाने, डीएसपी, बौद्ध प्रहरी

नक्कली नोट बनाउन परिवारै संलग्न

डीएसपी न्यौपानेका अनुसार गत मंगलबार गोकर्णेश्वर नगरपालिका–७, दक्षिणढोकामा केही व्यक्तिले नक्कली जस्तो लाग्ने पैसा साथमा लिएर सामान खरिद गरेको भन्दै स्थानीयले खबर गरेका थिए ।

‘त्यसपछि गएर खोजी गर्दा गोमा श्रेष्ठलाई फेला पार्‍यौं, उनको खनतलासी गर्दा नक्कली जस्तो देखिने एक सयको २९ वटा नोट भेटियो’ उनले सुनाए, ‘अनुसन्धान गर्दै जाँदा ती पैसा उनकी छोरी पुष्पा थापा मगरले दिएको भन्ने खुलेपछि उनको कोठामा छापा हान्यौं ।’

मगरको नारायणटारमा रहेको कोठामा छापा मार्दा पाँच सय र एक हजार दरको नोट बनाउनका लागि छापेर राखिएको कागजहरु बरामद भएको उनी बताउँछन् । ‘छोरीलाई पनि पक्राउ गरेर अनुसन्धान गर्दै जाँदा पुष्पाको छोरा सरोज थापा मगरको कोठामा रंगिन प्रिन्टरबाट उक्त नोटहरु छापिएको देखियो’ एसपी बस्नेत भन्छन्, ‘कोठामा तयारी अवस्थामा राखिएका नोट बनाउन छापिएका कागजका पानाहरु पनि बरामद भए ।’

उनका अनुसार पैसा छाप्न प्रयोग हुने एचपी कम्पनीको एउटा रंगिन प्रिन्टर पनि कोठाबाट बरामद भएको छ भने फोटोकपी गर्न तयारी अवस्थामा टेपले टाँसेर राखिएको एक सय दरको सक्कली जस्तो देखिने तीन वटा नोट पनि बरामद भएको छ । सबै वस्तुस्थितिले नक्कली नोट बनाउने कार्यका नाइके उनै सरोज भएको खुलेको उनी बताउँछन् ।

न्यौपाने भन्छन्, ‘हजुरआमा, छोरी र नाती मिलेर नक्कली नोट बजारमा पठाएको देखियो, पक्राउ पर्ने अन्य दुई जनालाई पनि पैसा बजारमा पठाउन प्रयोग गरेको देखिन्छ ।’

फोटोकपी गरेर राखिएका नेपाली नोट ।

युट्युबमा हेरेर नक्कली नोट तयार

प्रहरीका अनुसार पक्राउ परेपछि बयान दिने क्रममा सरोजले नक्कली नोट बनाउने योजना आफ्नो भएको बताएका छन् । उनले ‘हजुरआमा र आमाको कुनै दोष नभएको’ पनि दाबी गरेका छन् ।

प्रहरीका अनुसार कक्षा ३ सम्म मात्र पढेका उनले नक्कली नोट छाप्न युट्यूब हेरेर सिकेका हुन् । ‘वैदेशिक रोजगारीका लागि खाडी मुलुक गएका वेला उनी फुर्सदको समय युट्युबमा भिडियो हेरेर विताउँदा रहेछन्, त्यही वेला पैसा छाप्ने विधिबारे हेरेछन्’ डीएसपी न्यौपाने भन्छन्, ‘खुट्टामा समस्या भएपछि उनी फर्किएर नेपाल आए, आउने वित्तिकै यो धन्दा थालेको देखिएको छ ।’

प्रहरीका अनुसार नेपाल आएर उनले तामाका भाँडामा बुट्टा भर्ने काम गरिरहेका थिए । तर राम्रो कमाइ भइरहेको थिएन ।

हाल हिरासतमा रहेका उनीहरुमाथि प्रहरीले लगाएको अभियोग पुष्टि भए कसूर अनुसार ५ देखि १० वर्षसम्म र ५० हजार देखि एक लाख रुपैयाँसम्म जरिवाना हुनसक्छ ।



COMMENTS

 


thedesigners7
Name

news,1019,tech,3,अर्थ,5,कृषि,11,फिचर,6,भिडियो,5,विचार,8,विचित्र खबर,5,विज्ञान प्रविधि,6,विशेष,8,समाचार,7,सम्पादकीय,5,
ltr
item
श्री गढीमाई राष्ट्रिय दैनिक: बजार पुग्यो एक सय दरका १५ सय नक्कली नोट, हजुरआमादेखि नातीसम्म पक्राउ
बजार पुग्यो एक सय दरका १५ सय नक्कली नोट, हजुरआमादेखि नातीसम्म पक्राउ
https://www.onlinekhabar.com/wp-content/uploads/2021/11/Fake-Nepali-Note.gif
श्री गढीमाई राष्ट्रिय दैनिक
https://www.shreegadhimaidaily.com.np/2021/11/blog-post_85.html
https://www.shreegadhimaidaily.com.np/
https://www.shreegadhimaidaily.com.np/
https://www.shreegadhimaidaily.com.np/2021/11/blog-post_85.html
true
8891381760893256154
UTF-8
अन्य अपडेटसहरु केही भेटिएन सबै हेर्नुहोस् विस्तृतमा पढ्नुहोस उत्तर Cancel reply Delete By Home PAGES POSTS सबै हेर्नुहोस् सिफारिस गरिएको LABEL ARCHIVE खोज्नुहोस् ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy