पर्सामा चटयाङ लागेर एकजनाको मृत्यु, तीनजना घाइते

वीरगंज, १० असोज ।  पर्सामा सोमवार बिहान चटयाङ लागेर एकजनाको मृत्यु भएको छ भने तीनजना घाइते भएका छन् ।  जिल्ला प्रहरी कार्यालय, पर्साका अ...

वीरगंज, १० असोज । 

पर्सामा सोमवार बिहान चटयाङ लागेर एकजनाको मृत्यु भएको छ भने तीनजना घाइते भएका छन् । 

जिल्ला प्रहरी कार्यालय, पर्साका अनुसार आज बिहान ६ः३० बजेको समयमा वीरगञ्ज महानगरपालिका वडा नं. २ ईदगाह चोक स्थित छठिमाई पोखरीमा चटयाङ खस्दा वर्ष १५ को सिद्दान्त उपाध्यायको मृत्यु भएको छ भने दुईजनाको उपचार भइरहेको छ । 

वीरगंज महानगरपालिका वडा नं. २ बस्ने राम प्रसाद उपाध्यायको छोरा वर्ष १५ को सिद्दान्त उपाध्यायको चटयाङ लागेर मृत्यु भएको प्रहरीले जनाएको छ । त्यसैगरी साविर हुसेनकी श्रीमती वर्ष २९ की कुलनेसा खातुन र वडा नं. ४ बस्ने भिखारी राउतको छोरा वर्ष १३ को अर्जुन राउत घाइते भएका छन् । घाइतेमध्ये कुलनेसाको अवस्था सामान्य छ भने अर्जुनको अवस्था गम्भीर छ । उनको नेशनल मेडिकल कलेजमा उपचार भइरहेको छ ।

यसैगरी पर्साको विन्दवासिनी गा.पा. वडा नं. ४ अमरपट्टि बस्ने वर्ष २६ को कुन्दन दास शौचालय जाने क्रममा चट्याङ लागी घाइते भएको प्रहरीले जनाएको छ । घाइते दासको उपचार नारायणी अस्पतालमा भइरहेको छ ।