वीरगंज, २९ वैशाख । शुक्रवार सम्पन्न हुन गइरहेको स्थानीय तहको निर्वाचनको सम्पूर्ण तयारी पर्सामा पुरा भएको छ । वीरगंज महानगरपालिकासहित १४ प...
वीरगंज, २९ वैशाख । शुक्रवार सम्पन्न हुन गइरहेको स्थानीय तहको निर्वाचनको सम्पूर्ण तयारी पर्सामा पुरा भएको छ ।
वीरगंज महानगरपालिकासहित १४ पालिकामा रहेका १ सय ६७ मतदान केन्द्रमा नेपाल प्रहरीका २ हजार ८ सय ५०, सशस्त्र प्रहरीका ८ सय र गस्तीमा नेपाली सेनासहित खटाइएको छ ।
पर्सामा मौन अवधि शुरू भएसँगै सुरक्षा व्यवस्था कडा बनाइएको जिल्ला प्रहरी कार्यालय पर्साका प्रवक्ता ओम प्रकाश खनालले बताउनुभयो ।
सुरक्षा व्यवस्था अनुसार पहिलो चरणमा नेपाल प्रहरी, दोस्रो चरणमा सशस्त्र प्रहरी र तेस्रो तथा अन्तिम चरणमा नेपाली सेनाको टोली परिचालन गरिएको छ । नेपाल नम्बर १३ गुल्म हेडक्वार्टर पर्साका प्रमुख सशस्त्र प्रहरी उपरीक्षक तेज प्रकाश पोखरेलका अनुसार मतदान केन्द्रहरूमा ८ सय जना सशस्त्र प्रहरी परिचालन गरिएको छ ।
निर्वाचनमा सीमा नाकाको सुरक्षा व्यवस्थाका लागि भारतीय एसएसबी ४७ र ४४ का कमान्डरसँग पनि समन्वय गरिएको सशस्त्र प्रहरी उपरीक्षक पोखरेलले बताउनुभयो ।
मङ्गलवार मध्यरातदेखि शुरू भएको मौन अवधिलाई मध्यनजर गर्दै सीमा नाकामा पनि आवागमन बन्द गरेर सीमा सिल गरिएको जिल्ला प्रशासन कार्यालय पर्साका प्रमुख जिल्ला अधिकारी उमेश कुमार ढकालले जानकारी दिनुभयो ।
नेपाली परिचय पत्र भएका नागरिकलाई भारतबाट नेपाल प्रवेश गर्न दिइएको छ भने नेपालबाट भारततर्पm जान भने पूर्ण रूपमा प्रतिबन्ध लगाइएको भए पनि अति आवश्यक कार्यका लागि प्रशासनको सिफारिसका आधारमा आवागमन खुला गरिएको ढकालले बताउनुभयो ।
COMMENTS