जसपाका महिला नेतृहरू जनताको घर–घरमा

वीरगंज, ७ बैशाख । जनता समाजवादी पार्टी (जसपा) का उम्मेदवारहरूलाई बिजय बनाउन महिलाहरू पनि सक्रिय भएका छन् । जसपा निकट महिला संघ एवम् पार्टीका...

वीरगंज, ७ बैशाख । जनता समाजवादी पार्टी (जसपा) का उम्मेदवारहरूलाई बिजय बनाउन महिलाहरू पनि सक्रिय भएका छन् । जसपा निकट महिला संघ एवम् पार्टीका महिला नेतृहरूले जनताको घरदैलोमा गएर महिलाहरूका समस्या तथा गुनासोहरू सुन्ने क्रमलाई तिव्रता दिएका छन् ।

नजिकिदै गरेको स्थानीय तहको निर्वाचनमा जसपाका उम्मेदवारलाई जिताउनुपर्नेमा घरदैलोमा सहभागी महिलाहरूले जोड दिएका छन् । महिला सशक्तीकरण तथा महिलाहरको क्षमता अभिवृद्धि र सिपमुलक तालिमहरूको व्यवस्था गर्नका लागि जसपाले जित्नुपर्ने घरदैलोमा सहभागी महिला नेतृ अन्नपुर्ण माननधरको भनाई छ ।

वीरगञ्ज महानगरपालिका वडा नम्बर ३, ५, १३, २१ लगायतका वडाहरूमा भएको घर दैलो अभियानलाई महानगरका ३२ वटै वडामा निरन्तरता दिने महिला नेतृ पिंकी यादवले जानकारी दिइन् ।

घरदैलोका क्रममा स्थानीयले पनि जसपालाई जिताउने सकारात्मक प्रतिक्रिया दिएको प्रेरणा श्रेष्ठ बताउँछिन् । घर दैलो कार्यक्रममा महिला नेतृ पिंकी यादव, अन्नपुर्ण माननधर, प्रेरणा श्रेष्ठ, प्रतिभा सिँह, रेखा सिँह, निता श्रेष्ठ, संगीता दास लगायतको सहभागीता रहेको थियो ।