वीरगंज, २९ चैत । जिल्ला प्रहरी कार्यालय, पर्साले मोटरसाइकल चोरी गर्दागर्दै २ जनालाई पक्राउ गरेको छ । सोमवार राति १० बजे जिल्ला पर्सा व...
वीरगंज, २९ चैत ।
जिल्ला प्रहरी कार्यालय, पर्साले मोटरसाइकल चोरी गर्दागर्दै २ जनालाई पक्राउ गरेको छ ।
सोमवार राति १० बजे जिल्ला पर्सा वीरगञ्ज महानगरपालिका वडा नं.१५ नेशनल मेडिकल कलेजमा पार्किङ गरी राखेको रौतहट फतुवा विजयपुर न.पा. वडा नं.१० बस्ने लक्ष्मी चौधरीको ना ३५ प ५९१ नम्बरको मोटरसाइकल चोरी गरेको आरोपमा प्रहरीले दुईजनालाई पक्राउ गरेको छ ।
पक्राउ पर्नेमा वीरगञ्ज म.न.पा. वडा नं. २२ जगरनाथपुर बस्ने वर्ष २० को ऋषी पासवान र वर्ष १९ को सहीम मियाँ अन्सारी रहेको जिप्रका पर्साले जनाएको छ ।
उनीहरुले मोटरसाइकलको लक तोडी चोरी गरी भाग्दै गरेको सूचना प्राप्त भएपछि प्रहरी चौकी बसपार्कले दुवैजनालाई पक्राउ गरी अनुसन्धान गरिरहेको जिप्रका, पर्साले जनाएको छ ।
COMMENTS