सर्लाहीमा चोरी भएका ६ वटा मोटरसाइकल हस्तान्तरण

सर्लाही  । सर्लाही प्रहरीले विभिन्न मितिमा चोरी भएको तथा हराएको ६ वटा मोटरसाइकल सवारी धनीलाई हस्तान्तरण गरेका छन् । इलाका प्रहरी कार्यालय...

सर्लाही  । सर्लाही प्रहरीले विभिन्न मितिमा चोरी भएको तथा हराएको ६ वटा मोटरसाइकल सवारी धनीलाई हस्तान्तरण गरेका छन् ।

इलाका प्रहरी कार्यालय हरिवनले हराएका तथा चोरी भएका ६ वटा मोटरसाइकलहरू सवारी धनीहरूलाई हस्तान्तरण गरेको हो । 

सम्बन्धी व्यक्तिलाई  हस्तान्तरण गरिएको मोटरसाइकल प्रहरीले चेकजाँच गर्ने क्रममा र दुर्घटना हुँदा छोडेर भागेको अवस्थामा फेला पारेको इलाका प्रहरी कार्यालय हरिवनले जनाएको छ । 

चोरी भएका सबै मोटरसाइकल बजाज कम्पनीको पल्सर २२० सिसीभन्दा माथिको रहेको इलाका प्रहरी कार्यालय हरिवनका प्रहरी निरीक्षक भुपेन्द्र गिरीले जानकारी दिनुभयो । 

पछिल्लो समयमा सर्लाहीमा मोटरसाइकलको चोरीको घटना बढेसँगै मोटरसाइकल चोराउने व्यक्तिहरू पनि धमाधम पक्राउ परिरहेको जिल्ला प्रहरी कार्यालय सर्लाहीले जनाएको छ ।