उपमहानगरपालिकाको कार्यालयमा तोडफोड

कलैया । जीतपुरसिमरा उपमहानगरपालिकाको कार्यालयमा जनप्रतिनिधिले तोडफोड गरेका छन् । योजनाको सम्झौता गर्न नमानेको भन्दै आक्रोशित वडा नं.१७ का वड...

कलैया । जीतपुरसिमरा उपमहानगरपालिकाको कार्यालयमा जनप्रतिनिधिले तोडफोड गरेका छन् ।

योजनाको सम्झौता गर्न नमानेको भन्दै आक्रोशित वडा नं.१७ का वडा अध्यक्ष नवराज खड्काले तोडफोड गरेका हुन् । बजेट सिलिङ्ग भित्र वडाले छनोट गरेको योजनाको सम्झौता गर्न नदिएको भन्दै आक्रोशित खड्काले नगरप्रमुख डा.कृष्ण पौडेलको टेबल तथा कार्यकारी प्रशासकीय चेतकुमार पोखरलेको टेबलमा रहेका कम्प्युटर सामग्रीमा क्षति पुगेको छ । यस्तै योजना शाखाका आधा दर्जन कम्प्युटर लगायतको सामग्री तोडफोड गरेका छन् । ईलाका प्रहरी कार्यालय जीतपुरका प्रमुख प्रहरी नायब निरीक्षक रोशन अधिकारीको नेतृत्वमा गएको टोलीले क्षतिको मुचुल्का गरेको छ । उपमहानगरपालिकाको कार्यालय जिम्मेवार नभएको भन्दै आफू बाध्य भइ तोडफोड गर्नु परेको वडा अध्यक्ष खड्काले बताए । तोडफोडले केही कम्प्युटर, प्रिन्टर र कुर्सीमा क्षति पुगेको छ । वडा अध्यक्ष खड् काले आफ्नो वडाले पाएको २ करोड ७० लाखको बजेट सिलिङ्ग मध्ये १ करोड १० लाख मात्रको सम्झौता गरेर बजेट सकियो भन्नु उपमहानगरपालिकाको कर्मचारीको बदमाशी भएको आरोप लगाए ।

बजेट भित्रै रहेर थप १० लाख रुपैंयाको खानेपानी धारा निर्माण गर्ने कार्यकालागि सम्झौता गर्न पठाएको फाइल कर्मचारीले फिर्ता गरेको र उपभोक्ता समितिका पधादिकारीहरुलाई प्रशासकीय अधिकृत चेत कुमार पोखरेलले अपमानित गरेर पठाएको आरोप वडा अध्यक्ष खड्काको छ ।