अजय यादव वियोगी
कलैया ,बारा ।
"सिम्रौनगढको तरकारी बजार व्यवस्थित नहुँदा व्यापारीहरुमा मारमा ,कर उठाएपनि सुरक्षाको अभाव "
किसानले उत्पादन गरेको तरकारी बजारमा खपत नहुँदा मारमा परेका छन् ।बाराको १६ पालिका मध्ये एेतिहासिक एवम् पुरातात्त्विक नगरीको तरकारी बजारको अवस्था खस्किएको अवस्थामा पुगेको छ ।बजार व्यवस्थित हुन सकेका छन् ।स्थानीय सरकार अाएको ४ बर्ष भन्दा बढी भयो तर खुलामा नै सिम्रौनगढको बजार लाग्ने गरेका छन् ।बजारका दिन हिलडुल समेत गर्न मुश्किल हुने गरेका छन् ।सिम्रौनगढ बजार सोमबार र शुक्रबारको लाग्ने गरेका छन् ।तर बजारकै दिन यति भिडभाड हुन्छ कि बजार जान्न मुश्किल हुने गरेको सिम्रौनगढका नरेश कुशवाहाले बताउनुभयो ।मधेशको जिल्लामा विकास के हुनु नि बजारको अवस्था हेर्दा भिजन नभएका नेताहरुले गर्दा पछाडि परेको स्थानीयबासी कुशवाहाले बताउनुभयो ।अहिले बजार उपभोक्ताको माँग भन्दा बढी तरकारी अाउने गरेका छन् ।बजार व्यवस्थित नै छैन ,तरकारी फलाफालको स्थितिमा पुगेको सिम्रौनगढ नगरपालिका -११ का किसान बिरेन्द्र दासले बताउनुभयो ।अाफूले १५ कठ्ठामा गोभि लगाएको भएपनि अहिले बजारको स्थिति देखेर लागत समेत निकल्न मुश्किल भएको तरकारीका किसान दासले बताउनुभयो ।बजारमा कर उठाए पनि सुरक्षा कुनै नभएको किसान दासको भनाई रहेको छ ।सिम्रौनगढ बजारबाट ६/७ पटक साईकल समेत चोरी भईसकेको सम्झना गर्दे २०/- दिएको कुनै अर्थ नभएको किसान बिरेन्द्र दासले बताउनुभयो ।नेताहरुले सिम्रौनगढ बजारलाई उपेक्षा समेत गरेको किसान दासले बताउनुभयो ।तरकारी बजार भएपनि सडकमै तरकारी बेच्ने गर्नाले सिम्रौनगढ बजारका दिन हिलडुल गर्न समेत मुश्किल हुने गरेको स्थानीय चन्दन प्रसाद यादवले बताउनुभयो । सिम्रौनगढ बजार गर्न पचरौता र अादर्श कोतवाल गाउँपालिकाको अधिकाँश जनता अाउने गरेका छन् ।तर पनि बजारको अवस्था दिनप्रतिदिन खस्दो अवस्थामा पुगेका छन् ।व्यापारलाई बर्षात समयमा झन् समस्या हुने गरेको स्थानीय व्यापारी रमेश कुशवाहाले बताउनुभयो। बाराको सबैभन्दा बढी तरकारी उत्पादन हुने भनेको सिम्रौनगढ नगरपालिका नै हो तर सिम्रौनगढको अवस्था बेहाल भएको तरकारी किन्न अाएकि रमिता देवी साहले बताईन ।बजारमा उभिने ठाउँ समेत नै छैन ,तरकारी किन्न झन् समस्या हुने गरेको अर्का तरकारी किन्न अाएकि सबिता देवी कुशवाहाले बताईन ।तरकारी बजारको अवस्था लथालिङ्ग भएपनि सिम्रौनगढ नगरपालिकाले खासै केही गर्न सकेको छैन ।फोहोर फाल्ने भाडो समेत नगरपालिकाले कतै राख्न सकेका छन् ।सिम्रौनगढ बजार एेतिहासिक एवम् पुरातात्त्विक भएपनि यसको जगेर्ना कसैले चाँसो समेत दिने गरेका छैनन् ।तरकारी बालीमा लागत धेरै लागेको भएपनि कहिलेकाही डुब्ने स्थितिमा हुने गरेको सिम्रौनगढमा तरकारी बेच्न अाएका किसान लालबाबु प्रसादले बताउनुभयो ।अालु ,टमाटर ,प्याज ,लौका ,भण्टा ,सेम ,बोडी ,मुला ,प्याजको सण्डा ,साग ,धनियाको पात ,लगायत को तरकारी बजारमा अधिक अाएको स्थानीय व्यापारी उमेश साहले बताउनुभयो ।बजार व्यवस्थित गर्न जरुरी रहेको सिम्रौनगढका स्थानीयबासीहरुले माँग गरेका छन् ।
COMMENTS