बारा जिल्लाको निर्वाचन क्षेत्र नम्बर ३ मा मुख्य प्रतिस्पर्धा यादव र साह बीच
कलैया , बारा
असोज ३१ गते ।
बाराको निर्वाचन क्षेत्र नम्बर ३ को प्रतिनिधि सभा सदस्यमा १८ जना उम्मेदवार भए पनि मुख्य प्रतिस्पर्धा जनता समाजवादी पार्टी (जसपा) का रामबाबु कुमार यादव र नेपाल कम्युनिष्ट पार्टी (एमाले ) का उम्मेदवार ज्वाला कुमारी साह बिच हुने देखिएको छ ।
बारा जिल्लाको निर्वाचन क्षेत्र न.३ मा जसपा पार्टी नेपाल र एमाले पार्टी बीच कुनै पनि तालमेल भएको छैन ।
यादव जसपा - साह एमाले पार्टीका उम्मेदवार हुन् । उनी मधेस प्रदेश अध्यक्ष एवम् जसपाका केन्द्रिय सदस्य समेत हुन् । पांच दलिय सत्ता गठबन्धनबाट लोकतान्त्रिक समाजवादी पार्टी बाट लालबाबु सिंह भुइहार उम्मेदवार छन् । रामबाबू कुमार यादव यस अघिको निर्वाचनमा बारा क्षेत्र नम्बर ३ बाट प्रतिनिधि सभा सदस्यमा निर्वाचित भएका थिए ।
यता हाम्रो नेपाली पार्टी बाट उम्मेदवार चन्द्र प्रकाश सुवेदी हुन् ।
त्यसैगरी राष्ट्रिय प्रजातन्त्र पार्टीबाट राजेन्द्र प्रसाद जैसवार , बिवेकशिल साझा पार्टीबाट अमिरी साह तेली, नेपाल मजदुर किशान पार्टीबाट महमुदिन मिया अन्सारी , नेपाल लोकतान्त्रिक पार्टीबाट महम्मद शानी ठकुराइ , नेपाल जनताबाट गोपाल दास , एकीकृत शक्ति नेपाल पार्टी बाट नरेश कुमार चौलागाईं , मंगोल नेशनल अर्गनाइजेसन बाट नुर महमद हवारी धोबी , नागरिक उन्मुक्ति पार्टी बाट भिखारी राउत थारु , जनमत पार्टी बाट राधिका देवी साह , राष्ट्रिय प्रजातन्त्र पार्टी बाट रुपनारायण ठाकुर लोहार , राष्ट्रिय स्वतन्त्र पार्टी बाट सुरेन्द्र शर्मा लगायतका उम्मेदवार छन् ।
यो क्षेत्रको प्रतिधिनि सभामा विभिन्न दलबाट १५ जना उम्मेदवार छन् भने स्वतन्त्र उम्मेदवार ३ जना छन् । उम्मेदवारी दर्तापछि सुरु भएको चुनावी चर्चाको क्रममा अधिकांशले बारा क्षेत्र नम्बर ३ को प्रतिनिधि सभामा रामबाबु कुमार यादव र ज्वाला कुमारी साह बिच नै रहेको बताउने गरेका छन् ।
रामबाबु कुमार यादव यसअघिको निर्वाचनमा यसै क्षेत्रबाट निर्वाचित प्रतिनिधि सभा सदस्य एवम् लोकप्रिय उम्मेदवार भएकोले जो सुकैको उनीसंगै प्रतिनिस्पर्धा हुने स्थानियहरुको भनाई छ ।
ज्वाला कुमारी साह यसअघिको निर्वाचनमा यसै क्षेत्र न.३ " क" बाट निर्वाचित प्रदेश सभा सदस्य थिइन । उनी २०७४ सालमा भएको प्रदेश सभा सदस्य मा निर्वाचित भएकी थिइन । तर गत फागुन २३ गते सर्वोच्च अदालतले एमाले र माओवादी केन्द्रलाई आ- आफ्नो बाटो हिड्न फैसला गरेपछि साह एमालेमा लागेकी थिइन । माओवादी छडेर एमालेमा लागेपछि उनको प्रदेश सभा सदस्य पद गएको थियो । तर त्यसको केही समय पछि उनले संघीय सरकारको ( कृषि तथा पशुपन्छि) मन्त्री बन्ने मौका पाएकी थिइन । ज्वाला कुमारी साह नेपाल कम्युनिष्ट पार्टी ( एमाले ) बाट प्रतिनिधि सभा सदस्य पदका लागि उम्मेदवारी दिएकी छिन् ।
यस क्षेत्रमा कांग्रेसको पकड पनि बलियो रहेको र कांग्रेसबाट कोई उम्मेदवार नभएका कारण कांग्रेस, माओवादी केन्द्र, नेकपा एस, लोसपा सहितको पांच दलिय गठबन्धन बाट लालबाबु सिंह भुइहार प्रतिनिधि सभा सदस्य पदका लागि उम्मेदवारी दिएका छन् ।
प्रतिक्रिया