अजय यादव वियोगी
बरियारपुर, बारा
"गेहुँको खेतको टुटमा अागो लगाउँदा बरियारपुरमा लाखौंको क्षति ,स्थानीयको सहयोग अागो नियन्त्रणमा "
बाराको महागढीमाई नगरपालिकाको बरियारपुरमा ३:०० बजेको समयमा जिल्ला बारा महागढीमाई न.पा.-१ बरियारपुर स्थित भारत घर भई हाल सोही ठाउँ बस्ने निजामुदिन चुरिहारको घरमा बस्दै आएका निज निजामुदिन चुरिहारको जवाई अं.बर्ष ४५ को भोला चुरिहारले आफ्नै गँहु काटि सकेको खेतमा राखेको गँहुको ठुटा जलाउने क्रममा आगो अयन्त्रित अागलागी भएको छ ।निज चुरिहारले आगो लगाएको खेतबाट पुर्व तर्फ रहेको,ऐ.ऐ.बस्ने निम्न मानिसहरुको गँहु खेत लगायत काट्ने झार्ने कम्वाईन हार्वेस्टर मेसिनको चक्का पछाडिको चक्का मा समेत क्षेति भएको र मानविय चौपाया क्षती नभएको जिल्ला प्रहरी कार्यालय बाराका प्रहरी नायब उपरीक्षक एवम् प्रवक्ता राजेश थापाले श्री गढीमाई राष्ट्रिय दैनिकलाई बताउनुभयो ।उक्त आगो प्रहरी र स्थानियको सहयोगमा अं.४:३० बजेको समयमा पुर्ण रुपमा नियन्त्रणमा आएको प्रवक्ता थापाले बताउनुभयो । आगलागिबाट अं.मु.रु.१,५२,०००।– (एक लाख बाउन्न हजार) बराबरको क्षति भएको अनुमान गरिएको प्रहरीले जनाएका छन् ।
१.) जि.बारा महागढीमाई न.पा.१ बस्ने सफिक मियाँको ५ कठ्ठाको गंहुमा आगो लागि अं.मु.रु.२०,०००।– (बिस) हजार बराबरको क्षति भएको,
२.) ऐ.ऐ.बस्ने उमेश कुमार यादवको खेतमा रोकि रखेको कम्वाईन हार्वेस्टरको पछाडिको २ वटा चक्का जली
अं. मु.रु.१,००,०००।–(एक लाख) बराबरको क्षति भएको ।
३.) ऐ.ऐ.बस्ने सत्यनारायण महत्तोको १० कठ्ठाको गँहुको भुस जली अं.मु.रु.४,०००।–(चार) हजार बराबरको क्षति भएको ।
४.) ऐ.ऐ.बस्ने अखतर हुसेन अंसारीको १३ कठ्ठाको गँहुको भुस जली अं.मु.रु.८,०००।–(आठ) हजार बराबरको क्षति भएको ।
५.) ऐ.ऐ.रामबाबु प्रसाद कुशवाहाको ५ कठ्ठा गँहु र १५ कठ्ठा गँहुको भुस जली अं.मु.रु.१०,०००।–हजार बराबरको क्षति भएको ।
६.) ऐ.ऐ.बस्ने राजेन्द्र महत्तोको ८ कठ्ठा गँहुको भुस जली अं.मु.रु.५,०००।–(पाँच) हजार बराबरको क्षति भएको ।
७.) ऐ.ऐ.बस्ने रामबिलास महत्तोको ८ कठ्ठा गँहुको भुस जली अं.मु.रु.५,०००।–(पाँच) हजार बराबरको क्षति भएको जिल्ला प्रहरी कार्यालय बाराले जानकारी दिएका छन् ।बारामा अागलागि घटना बढदै गएको छ ।
प्रतिक्रिया