अजय यादव वियोगी
कलैया ,बारा ।
"बाराको देवतालमा आगलागि "
बाराको देवताल गाउँपालिकाको पिपरपाती -७ मा ३:१० बजेको समयमा जिल्ला बारा देवताल गा.पा.- ७ पिपरपाती बस्ने बिजय यादवले आफ्नो खेतमा रहेको गहुँ काटी खेतमा बाँकी रहेको गँहु डाठ जलाउने क्रममा स्थितमा रहेको सोही ठाउँ बस्ने दिनानाथ यादवको अं.१ बिगहा खेतमा काट्न बाकी रहेको गहुँमा आगो सल्की पुर्ण रुपमा जली नष्ट भएको, मानबिय तथा चौपाय क्षति नभएको जिल्ला प्रहरी कार्यालय बाराका प्रहरी नायब उपरीक्षक एवम् प्रवक्ता राजेश थापाले श्री गढीमाई राष्ट्रिय दैनिकलाई बताउनुभयो ।आगलगी बाट अन्दाजी ८०/८५ मन गहुँ जली नष्ट भएको र उक्त स्थानमा प्रहरी चौकी देवतालको प्र.स.नि.को कमाण्डमा टोली खटि गएको र स्थानीयको सहयोगमा अागो नियन्त्रणमा लिएको जिल्ला प्रहरी कार्यालय बाराले जानकारी दिएका छन् ।
त्यस्तै पथलैयामा पनि आगोलागि भएको छ ।
बाराकै पथलैया -१ मा बिहानको ११:०० बजेको समयमा जिल्ला बारा जितपुरसिमरा उ.म.न.पा.०१ पथलैया बस्ने शारदा देवी क्षेत्रीको जग्गामा हाइवा इन्फाटेट प्रा.लि.ले बिजुलीको सरसामान भाडामा लिई राखेकोमा सोही ठाउँ बस्ने मंजु भट्टराईको करेसामा फोहोर जलाउन बालेको आगो बाट उक्त सरसामानमा आगो सल्किन गइ आगोलागी भएको भन्ने जानकारी प्राप्त हुनासाथ तत्कालै पथलैया चौकी बाट प्र.ना.नि.को टोलि खटि गइ प्रहरी,स्थानीयबासी र दमकलको सहायतामा उक्त आगो ११:१५ बजेको समयमा पूर्ण रुपमा नियन्त्रणमा आएको जिल्ला प्रहरी कार्यालय बाराका प्रहरी नायब उपरीक्षक एवम् प्रवक्ता राजेश थापाले श्री गढीमाई राष्ट्रिय दैनिकलाई बताउनुभयो ।उक्त आगोलागि बाट १०० K.B. को ट्रान्समिटर थान ३, २०० K.B.को ट्रान्समिटर थान १ , ABC केवल तार ७० MM को ३०० मिटर,पावर सकेट २०० वटा जली नष्ट भइ अ.२०,००,०००/- (बिस लाख) बराबरको क्षति भएको जिल्ला प्रहरी कार्यालय बाराले जानकारी दिएका छन् ।बारामा दिनहुँ जसो अागलागिको घटना भईरहेकोले सचेत हुन सबैलाई सम्बन्धित सरोकारवालाहरुले अाग्रह गरेका छन् ।
प्रतिक्रिया