स्क्रोरल विज्ञापनको लागि सम्पर्क गर्नुहोस्

आजको श्रीगढीमाई राष्ट्रिय दैनिक पढ्नुभयो ?

$type=one$count=1$cate=0$author=hide$comment=hide$date=hide$readmore=show$show=home

$show=home

धनुषा–२, जहाँ गठबन्धनले काम गरेन

SHARE:

२५ असोज, जनकपुरधाम । सत्तारुढ गठबन्धनबाट बाहिरिएको जनता समाजवादी पार्टी (जसपा) ले नेकपा एमालेसँग तराई मधेसका १४ जिल्लामा तालमेल गर्‍यो । एमालेसँग वार्तामा रहेको लोकतान्त्रिक समाजवादी पार्टी (लोसपा) भने सत्ता गठबन्धनसँग सहमति गर्न पुग्यो ।

तर धनुषा–२ यस्तो निर्वाचन क्षेत्र बन्यो, त्यहाँ गठबन्धनले काम गरेन । दुबै गठबन्धनमा आवद्ध दलका चार उम्मेदवार प्रतिनिधिसभा सदस्यका लागि चुनावी मैदानमा छन् ।

सत्ता गठबन्धनको नेतृत्व गरेको नेपाली कांग्रेसबाट रामकृष्ण यादव उम्मेदवार छन् भने नेकपा एकीकृत समाजवादीबाट रामचन्द्र झाले उम्मेदवारी दर्ता गराएका छन् । विपक्षी गठबन्धनको नेतृत्व गरेको एमालेबाट उमाशंकर अरगरिया र जसपाबाट गंगाराम यादव चुनावी मैदानमा छन् ।

सत्ता गठबन्धनमा कांग्रेसले रामकृष्ण र एकीकृत समाजवादीले रामचन्द्रका लागि यो क्षेत्रमा दाबी गरेको थियो । अन्ततः यो क्षेत्र कांग्रेसको भागमा पर्‍यो भने प्रदेशसभा (क) लोसपा र (ख) माओवादीले लिने भयो । प्रतिनिधिसभा सदस्यका लागि कांग्रेसबाट यादवले उम्मेदवारी दिँदा प्रदेशसभा (क) मा सञ्जय साह तेली र (ख) मा श्याम यादव उम्मेदवार बनेका छन् ।

तर सिट बाँडफाँटमा असहमत एकीकृत समाजवादीबाट प्रतिनिधिसभा सदस्यमा रामचन्द्र, प्रदेशसभा (क) मा रामनारायण साह र (ख) मा शैलेन्द्र यादवले उम्मेदवारी दिएका छन् ।

माओवादी केन्द्रका केन्द्रीय सदस्य योगकुमार बरबरिया यस क्षेत्रमा कांग्रेस, माओवादी केन्द्र र लोसपाको गठबन्धन कायमै रहेको बताउँछन् । उनले भने, ‘रामचन्द्र झाले अन्य दलजस्तै गठबन्धनसँग प्रतिस्पर्धा गर्नुहुन्छ ।’

विपक्षी गठबन्धनमा एमाले र जसपाबीच यो क्षेत्रमा तालमेल नमिल्नुको कारण अलि रोचक छ । २०७४ मा यो क्षेत्रमा उपेन्द्र यादव नेतृत्वको संघीय समाजवादी फोरमबाट उमाशंकर अरगरियाले चुनाव जितेका थिए ।

मधेसी मोर्चा बनाएर चुनाव लडेको राजपासँग एकता गरेपछि यो दल जसपा बन्यो । तर जसपा विभाजन हुँदा अरगरिया उपेन्द्रलाई छाडेर महन्थ ठाकुरतिर लागे र लोसपाले उनलाई मन्त्री र संसदीय दलको प्रमुख सचेतक बनायो ।

लोसपामै बसेर चुनाव जित्ने सम्भावना नदेखेपछि उनी ८ असोजमा मात्र एमाले प्रवेश गरेका थिए । पार्टी प्रवेश गराउँदा नै एमाले अध्यक्ष केपी शर्मा ओलीले टिकट दिने वचन दिएका थिए ।

उमाशंकरले टिकट पाउने भएपछि एमालेका पुराना प्रभावशाली नेता गंगाराम यादव पार्टी छाडे । उनलाई जसपा अध्यक्ष उपेन्द्र यादवले टिकट दिने बचन दिएर पार्टीमा प्रवेश गराए, जतिबेला उनी सत्ता गठबन्धनमा थिए ।

तर अन्तिम समयमा जसपाले एमालेसँग तालमेल गर्न खोज्दा धनुषा २ मा सहमति जुट्न सकेन । २०७४ मा प्रतिनिधिसभासहित दुबै प्रदेश सभा जितेकाले पनि जसपाले यो क्षेत्र छाड्न चाहेन र, मित्रवत प्रतिस्पर्धा गर्ने सहमति गरे ।

अब चारै दलका लागि यो क्षेत्र प्रतिष्ठाको विषय बनेको छ । धनुषा–२ मा ७ पालिकाका ४४ वडा पर्छ । कमला नगरपालिकाका ९, शहीदनगर नगरपालिकाका ९, जनकनन्दनी गाउँपालिकाका ६ र औरही गाउँपालिकाका ६ वटा वडा यस क्षेत्रमा पर्छ । त्यसैगरी विदेह नगरपालिकाका १ देखि ८, हंसपुर नगरपालिकाकाको वडा नम्बर १, ४, ६, ९ र जनकपुरधाम उपमहानगरपालिकाको वडा नं. १७ र १८ यो क्षत्रमा पर्छ ।

३० वैशाखको स्थानीय निर्वाचन परिणाम हेर्दा यस क्षेत्रमा कांग्रेस बलियो देखिन्छ । कमला नगरपालिका, जनकनन्दनी गाउँपालिका र हंसपुर नगरपालिकामा गरी कांग्रेसले तीनवटा पालिका प्रमुख जितेको छ । एमालेले विदेह नगरपालिका र औरही गाउँपालिका प्रमुख जितेको छ भने जसपाले शहीदनगर नगरपालिका ।

वडाध्यक्षका उम्मेदवारहरुले पाएको मत हेर्दा कांग्रेस अगाडि देखिन्छ । कांग्रेसले २१ हजार २३२, जसपाले १३ हजार ८८९, एमालेले ११ हजार ५८३ र माओवादी केन्द्रले १० हजार ७९४ मत पाएको छ एकीकृत समाजवादीले ८ हजार ९९७, लोसपाले ६ हजार ७१३ र जनमत पार्टीले ४ हजार २८३ मत पाएको देखिन्छ ।

यदि माओवादी र लोसपाको पनि मत पाउन सकेमा कांग्रेस उम्मेदवारलाई अरुलाई भन्दा सहज देखिन्छ । कांग्रेस उम्मेदवार रामकृष्ण पनि आफ्नो जितको आधार यसैलाई मान्छन् । ‘क्षेत्रमा शिक्षा, सडक, स्वास्थ्य, गरिवीको समस्या छ । विकास अवरुद्ध छ । विगतमा जितेका प्रतिनिधिले खासै मतलब गरेनन् । जनताको समस्या हाउसमा राख्नु भएन’, उनले भने, विगतको चुनावी नतिजाले पनि कांग्रेस बलियो छ । मेरो जित्ने आधार यही हो ।’

एकीकृत समाजवादीका रामचन्द्र झा भने स्थानीय निर्वाचनको परिणामले संसदीय निर्वाचनमा प्रभाव नपर्ने तर्क गर्छन् । जनताको समर्थन नै आफ्नो जितको आधार भएको झा बताउँछन् । ‘धेरै उम्मेदवारका बीचमा म निश्कलंक छु’, उनले भने, ‘यो क्षेत्रको विकास निर्माणमा मेरो ठूलो योगदान छ । विकास निर्माणका धेरै काम गरेको छु । मेरो जित्ने आधार यही हो ।’

२०४६ देखि हरेक लोकतान्त्रिक आन्दोलनमा आफूले महत्वपूर्ण भूमिका खेलेकाले पनि यस क्षेत्रका जनताले त्यसको मूल्यांकन गर्ने बताए । २०६४ को पहिलो संविधानसभामा एमालेबाट जितेका झा त्यसपछि निरन्तर दुईवटा निर्वाचनमा पराजित भएका छन् ।

एमाले उम्मेदवार उमाशंकर भने ५ वर्षमा यस क्षेत्रमा गरेको काम नै आफ्नो जित्ने आधार भएको बताउँछन् । ‘४० वर्षसम्म नभएका काम मैले यो पाँच वर्षे कार्यकालमा गरेको छु । संसदीय बजेटमा एक रुपैयाँ कमिसन लिइनँ’, उनले भने, ‘भ्रष्टाचार विरुद्धको आन्दोलनबाट म आएको हो, त्यो सिलसिल अझै जारी छ । यो क्षेत्रमा मेरो छुट्टै क्रेज छ ।’

लोसपाबाट आफू एमालेमा आउँदा पार्टीमा प्रवेशको लहर चलेको र अरु दल त्यागेर नेता कार्यकर्ता पार्टी प्रवेश गरेकाले चुनाव जित्ने उनको दाबी छ ।

एमाले परित्याग गरी चुनाव लड्न जसपा प्रवेश गरेका गंगाराम पनि यो क्षेत्रमा प्रभावशाली मानिन्छन् । विगतमा यो क्षेत्रमा गरेको काम, जनताको सुखदुखमा साथ, स्वच्छ छवि आदि कारणले आफू जित्ने उनी दाबी गर्छन् ।


प्रतिक्रिया

एउटा लाइक गरेर मनोबल बढाउनुहोस्

Name

news,1364,tech,3,अर्थ,5,कृषि,11,फिचर,6,भिडियो,5,विचार,8,विचित्र खबर,5,विज्ञान प्रविधि,6,विशेष,8,समाचार,7,सम्पादकीय,5,
ltr
item
श्री गढीमाई राष्ट्रिय दैनिक: धनुषा–२, जहाँ गठबन्धनले काम गरेन
धनुषा–२, जहाँ गठबन्धनले काम गरेन
श्री गढीमाई राष्ट्रिय दैनिक
https://www.shreegadhimaidaily.com.np/2022/10/blog-post_77.html
https://www.shreegadhimaidaily.com.np/
https://www.shreegadhimaidaily.com.np/
https://www.shreegadhimaidaily.com.np/2022/10/blog-post_77.html
true
8891381760893256154
UTF-8
Loaded All Posts Not found any posts सबै हेर्नुहोस विस्तृतमा पढ्नुहोस Reply Cancel reply Delete By होमपेज PAGES POSTS सबै हेर्नुहोस उस्ता उस्तै खबर LABEL ARCHIVE खोज्नुहोस ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy Table of Content