श्री गढीमाई राष्ट्रिय दैनिक इपेपर पिडिएफमा पढ्नुहोस

neelambads

कर्मचारी हेरफेरको विवादले बारामा कांग्रेस र लोसपाबीच झडप, प्रहरीसहित ९ जना घाइते

955 SHARE:

१३ साउन, वीरगञ्ज । बाराको सिम्रौनगढ नगरपालिकामा शिक्षा र स्वास्थ्य शाखा प्रमुख हटाएपछि देखा परेको विवादले उग्र रुप लिएको छ । उपप्रमुख नजमु शेहरका श्रीमान शेख मोतिम र वडा नं. ४ का अध्यक्ष अवधेश सहनी बीचको विवाद झडपमा परिणत हुँदा प्रहरीसहित ९ जना घाइते भएका छन् ।

नेपाली कांग्रेस र लोसपा पक्षबीच भएको झडपमा उत्पन्न तनाव नियन्त्रणमा लिने प्रयासमा प्रहरीले १५ सेल अश्रुग्याँस प्रहार गरेको छ ।

झडपमा परी नेपाली कांग्रेस तर्फका सिम्रौनगढ–४ बस्ने ३३ वर्षीय रवी कुमार सहनी, राम निवास राम, वडा नं ९ बसवरिया बस्ने ३० वर्षीय उमेश यादव र ३८ वर्षीय गौरीशंकर यादव घाइते भएका छन् । टाउकोमा सामान्य चोट लागेका चार जनामध्ये रवी र राम निवासको नगर अस्पताल सिम्रौनगढमा उपचार भइरहेको छ । बाँकी दुई जनालाई उपचारका लागि वीरगञ्ज तर्फ ल्याइएको छ ।

त्यसैगरी नेपाल प्रहरीतर्फ पनि पाँच जना घाइते भएका छन् । प्रहरी सहायक निरीक्षक भवमोचन झा, प्रहरी बरिष्ठ हवल्दार प्रमोद साह, प्रहरी हवल्दार मदन साह तेली र रमेश राय यादव र उमेश यादव घाइते भएको जिल्ला प्रहरी कार्यालय बाराले जनाएको छ ।

यस्तो थियो झडपको कारण

प्रमुख प्रशासकीय अधिकृत हरिओम जयसवालका अनुसार नगर प्रमुख किशोरी साह कलवारले शिक्षा र स्वास्थ्य शाखा प्रमुख परिवर्तन गर्न आदेश दिएका थिए । शिक्षा शाखा प्रमुख नुर आलम सिद्धिकीलाई कमलेश प्रसाद अग्रहरीलाई ल्याउन भनिएको थियो ।  शिक्षा शाखा प्रमुख हुनु अघि उनी कंकाली उच्च माविमा शिक्षक थिए । अग्रहरी खजानी माविका प्रधानाध्यापक हुन् ।

त्यसैगरी स्वास्थ्य शाखा संयोजकमा सिनियर अहेब छैठौं तहका अधिकृत राजेन्द्र साहको ठाउँँमा हेल्थ असिस्टेन्ट छैठौं विजय ठाकुरलाई ल्याउन भनिएको थियो । आदेश अनुसार प्रशासनले टिप्पणी उठाएको थियो । नगर प्रमुखले स्वीकृत पनि गरिदिएका थिए ।

तर वडा नं ४ का अध्यक्ष अवधेश सहनी सहित नेपाली कांग्रेसबाट निर्वाचित वडा अध्यक्षहरुले हामीसँग नसोधी किन शिक्षा र स्वास्थ्य शाखा प्रमुख परिवर्तन गरेको भनी विरोध जनाए । त्यही समयमा उपप्रमुखका श्रीमान शेख मोतिम आइपुगेका थिए । उनीहरुले उपप्रमुखको श्रीमान मोतिमसँग पनि विवाद गरेपछि स्थिति विग्रिएको उनी बताउँछन् ।

‘जिन्सी शाखा हेर्दै आएका सुरेश यादवलाई वडामा पठाउनुपर्ने माग कांग्रेस पक्षको थियो, मैले नगर प्रमुख मार्फत प्रक्रिया पुर्याएर आउनुस्, म त आदेश पालक हो भनेर सम्झाउँदै थिएँ,’ उनले भने, ‘विवाद भएको देखेपछि उपप्रमुखको श्रीमान आइपुग्नुभयो । त्यसपछि झनै विवाद बढ्यो । बाहिर त दुई पक्षबीच झडप नै भएछ ।’

सम्रौनगढ नगरपालिकाको कार्यालयमा दुई पक्षबीच सुरुमा भनाभन भएको थियो । सो विवाद पछि झडपमा परिणत भयो । दुबै पक्षका कार्यकर्ताहरुले एक आपसमा ढुंगामुढा गर्न थालेपछि प्रहरीले रोक्न खोजेको थियो । सोही क्रममा १५ राउण्ड अश्रु ग्याँस प्रहार गर्नु परेको जिल्ला प्रहरी कार्यालय बाराका प्रवक्ता प्रहरी नायब उपरीक्षक राजेश थापाले जानकारी दिए ।

स्थिति नियन्त्रणमा लिनका लागि जिल्ला प्रहरी कार्यालय बारा, इलाका प्रहरी कार्यालय सिम्रौनगढ,  इलाका प्रहरी कार्यालय कोल्हबी र इलाका प्रहरी कार्यालय बारागढीबाट प्रहरी परिचालन गरिएको थियो ।


COMMENTS

 


thedesigners7
Name

news,1049,tech,3,अर्थ,5,कृषि,11,फिचर,6,भिडियो,5,विचार,8,विचित्र खबर,5,विज्ञान प्रविधि,6,विशेष,8,समाचार,7,सम्पादकीय,5,
ltr
item
श्री गढीमाई राष्ट्रिय दैनिक: कर्मचारी हेरफेरको विवादले बारामा कांग्रेस र लोसपाबीच झडप, प्रहरीसहित ९ जना घाइते
कर्मचारी हेरफेरको विवादले बारामा कांग्रेस र लोसपाबीच झडप, प्रहरीसहित ९ जना घाइते
https://www.onlinekhabar.com/wp-content/uploads/2021/02/simraungadh-nagarpalika.jpg
श्री गढीमाई राष्ट्रिय दैनिक
https://www.shreegadhimaidaily.com.np/2022/07/blog-post_305.html
https://www.shreegadhimaidaily.com.np/
https://www.shreegadhimaidaily.com.np/
https://www.shreegadhimaidaily.com.np/2022/07/blog-post_305.html
true
8891381760893256154
UTF-8
अन्य अपडेटसहरु केही भेटिएन सबै हेर्नुहोस् विस्तृतमा पढ्नुहोस उत्तर Cancel reply Delete By Home PAGES POSTS सबै हेर्नुहोस् सिफारिस गरिएको LABEL ARCHIVE खोज्नुहोस् ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy